Komuna e Prizrenit ka dënuar sulmin ndaj Konsullatës së Turqisë
“Komuna e Prizrenit konsideron se veprime të tilla të shëmtuara, nuk i bëjnë nder askujt dhe dëmtojnë rëndë imazhin e qytetarisë demokratike që klasa politike dhe qytetarët po e ndërtojmë ditë më ditë në rrugën tonë të përbashkët drejt integrimeve euro-atlantike si e vetmja alternativë qytetare”, thuhet në reagimin e Komunës së Prizrenit.
“Flamujt e vendosur në qytet janë tradicionalisht reflektim i bashkëjetesës dhe realitetit qytetar dhe assesi nuk mund të kuptohen si provokim nga askush”.
“Dallimet historike nga e kaluara jonë janë përmbajtja e angazhimeve tona për të ardhmen”.
“Komuna e Prizrenit kërkon nga organet e rendit dhe të drejtësisë që të ndërmarrim veprime të shpejta konform ligjit dhe kryesit e kësaj vepre të shëmtuar të dalin para drejtësisë dhe të marrin dënim meritor”.
“Komuna jonë shpreh përkushtim të plotë për vazhdimin e bashkëpunimit dhe të raporteve miqësore me Republikën e Turqisë”.
“Askush nuk do të mund të dëmtojë dhe lëkund jetën shumë etnike në komunën tonë, si vlerë universale planetare”./PrizrenPress.com/