Forumi Transparenca sot organizoi debatin e rradhës të ciklit “Ballafaqim”, në të cilin u diskutua për trajtimin e kulturës nga komuna e Prizrenit. Për t’u ballafaquar me anëtarët e Forumit Transparenca, panelistë të debatit ishin Lulzim Kabashi, nënkryetar i Komunës së Prizrenit dhe Urim Ukimeri, koordinator për kulturë në komunën e Prizrenit.
Diskutimi i sotëm nxorri në pah edhe një herë interesimin tejet të ulët të komunës së Prizrenit për të trajtuar kulturën si sektor prioritar të politikave lokale.
Problem i madh në kulturën e Prizrenit vazhdon të mbetet mënyra e alokimit të buxhetit komunal, ku pjesën dërmuese vazhdojnë të marrin projektet kapitale. Përkrahja që i ofrohet ngjarjeve të kulturës edhe më tutje trajtohet në kuadër të subvencioneve dhe ndahet me logjikën e ndihmën humanitare ndaj kulturës.
Një nga temat që kishte vëmendje të theksuar gjatë diskutimit ishte festivalit “Zambaku i Prizreni” rreth të cilit u shpalosën mundësitë dhe sugjerimet për shpëtimin e tij nga degradimi i mëtejshëm./PrizrenPress.com/