Deputeti i Partisë Demokratike të Kosovës (PDK), Halit Krasniqi, ka thënë se më 17 shtator pret që të gjithë të pandehurit në rastin “Kleçka” të shpallen të pafajshëm.
“Më 17 shtator me gjasë do të vërtetohet pafajësia. Në rastin “Kleçka” të akuzuarit nga Malisheva, kryesisht ne si opinion, si qytetarë edhe si familjarë presim që me këtë datë edhe një herë drejtësia ta thotë fjalën e drejtë dhe të saktë, ashtu siç do të duhej dhe ashtu siç pritet”, ka deklaruar Krasniqi, shkruan Epoka e re.
Ai ka thënë se në maj të vitit 2012 një gjyqtar i shkollës prestigjioze evropiane ka shpallur të pafajshëm të gjithë të pandehurit në këtë proces gjyqësor. Po ashtu, Krasniqi ka thënë së gjatë këtyre viteve kanë ndodhur shumë procese gjyqësore politike, mbi figura të caktuara.