Toni Kroos ka thënë se përvoja e futbollistëve në ndeshje të mëdha ua lejon të gjenden mirë edhe në situata të vështira.
Mesfushori gjerman ka deklaruar se kjo vihet re veçanërisht në ndeshjet e Ligës së Kampionëve, ku emocionet luajnë rol të madh.
“Liga e Kampionëve është gara më e vështirë për t’u fituar, mbase kjo na jep superfuqi. Emocionet gjithmonë luajnë një rol, sidomos në Ligën e Kampionëve në Santiago Bernabeu”.
“Kjo mund të shihet edhe në paraqitjet tona. Shumë lojtarë kanë luajtur në ndeshje të mëdha dhe ne mund të ruajmë qetësinë në situata të vështira pasi e dimë se mund të mposhtim këdo”.
“Edhe kur nuk fitojmë, mund ta ndryshojmë ndeshjen. Kemi përjetuar shumë situata dhe nuk frikësohemi”, shtoi ai.