21.3 C
Prizren
E martë, 6 Maj, 2025

Kryesia e PSHDK-së, kundër koalicionit me PDK-në

PSHDK-logoAnëtarë të Kryesisë së PSHDK-së, përmes një reagimi dërguar mediave, kanë thënë se janë kundër koalicionit parazgjedhor në mes të kësaj partie dhe PDK-së.

Kjo, sipas tyre, pasi që ky koalicion u fabrikua dhe u orkestrua pa një debat të brendshëm, pa qartësi politike dhe si i tillë ishte kundër vlerave për çka angazhohet PSHDK-ja dhe është në kundërshtim me filozofinë politike demokristiane.

“Janë këto arsye dhe shumë tjera, të cilat na shtyjnë të deklarojmë publikisht se ne jemi kundër këtij koalicioni. Ne vlerësojmë po ashtu se me këtë koalicion, PSHDK-ja ka dalë nga natyra e saj politike dhe ideologjike”, thuhet ndër të tjera në reagimin e tyre.

Reagimi i nënshkruar nga anëtarët e kryesisë së PSHDK-së, Ndue Ukaj, Gjon Berisha, Prend Buzhala, Engjëll Duzhmani, Brikena Ceraja-Beka, Arben Kqira, thotë se ata janë të bindur se një parti politike, kuptimin e ekzistencës e gjen vetëm duke pasur parime dhe identitet të qartë politik, ideologjik dhe kulturor.

“Prandaj, nuk mund të jemi pjesë e një koalicioni, që synon tjetërsimin e historisë sonë kombëtare, mohon figurat kombëtare dhe identitetin europian të Kosovës. Po ashtu, ne njoftojmë opinionin dhe elektoratin demokristianë, se tani e tutje, do të veprojmë si senatorë demokristianë, pjesë e Senatit Demokrisitan Mbarëkombëtar, me seli në Tiranë”, thuhet në fund të këtij reagimi.

Më Shumë

Çka dihet për krimin në Prizren, burri tentoi t’i provojë nga jeta gruan dhe vajzat – njëra nga të bijat nuk mbijetoi

Një ngjarje tragjike ka ndodhur mëngjesin e sotëm në Prizren, ku dyshohet se babai e ka vrarë vajzën e tij 15-vjeçare, ndërkaq ka plagosur...

IPK rekomandon suspendimin e dy zyrtarëve policorë në Prizren

Inspektorati Policor i Kosovës,  bënë të ditur se hetuesit e saj pasi kanë pranuar informacione për një shkrepje me armë zjarri në Prizren, ku...

Lajmet e Fundit