Me iniciativë të kryetarit të Komunës së Malishevës, Ekrem Kastrati dhe në bashkëpunim me Qendrën Kombëtare të Transfuzionit të Gjakut, të martën është organizuar një aksion për dhurim vullnetar të gjakut, nga punëtorët e administratës komunale dhe qytetarët e kësaj komune.
Jo vetëm si iniciues i këtij aksioni, por kryetari Kastrati, ka qenë në mesin e dhuruesve të shumtë të gjakut.
“U jam shumë mirënjohës administratës së Komunës dhe qytetarëve të Malishevës që sot i janë përgjigjur pozitivisht këtij aksioni vullnetar e tejet human. Për faktin se duke dhuruar gjak, ne ndihmojmë të tjerët, nisma të tilla do të ndërmarrim kohë pas kohe”, është shprehur kryetari Kastrati.