Regjisori i mirënjohur shqiptar, Ekrem Kryeziu, është laureati i sivjetmë i çmimit “Shkrimtari shqiptar i Vitit 2014” që e ndanë PEN Albania 2014.
Çmimin “Poeti shqiptar i viti 2014” këtë vit e merr Salajdin Salihu, ndërsa çmimi “Përkthyesi i vitit 2014” do t’i jepet Hysen Sinani. PEN Albania do të ndajë edhe çmimin “Mirënjohje për vepër jetësore dhe karrierë letrare”, i cili do t’i jepet Natasha Lako-s; çmimi “Mirënjohje për kontribute të çmuara në kulturën kombëtare” do t’i jepet Sabri Maxuni – Novosella dhe çmimi “Mirënjohje për promovimin e gjuhës, letërsisë dhe kulturës shqiptare në botën akademike” do të shkojë të Prof. Emil Lafe, shkruan knninfo.com.
Ceremonia e ndarjes së këtyre çmimeve nga Qendra P.E.N e Shqipërisë, do të mbahet të shtunën, ora: 12:00, në sallën ‘Tefta Tashko’ të Ministrisë së Kulturës, aktivitetin vjetor ku shpall çmimet PEN Albania 2014, dhe promovon krijimtarinë letrare të autorëve shqiptarë, përkatësisht, Mërgim Osmani, ( Vjenë – Austri).
Promovimi i veprave të autorëve shqiptarë, mbështetet në programin që Qendra P.E.N e Shqipërisë ka për promovimin e librave në gjuhën shqipe, pavarësisht kufijve gjeografikë dhe vendeve ku jetojnë autorët e tyre, duke respektuar kështu të drejtën themelore të gjuhës e cila është e garantuar nga karta e të drejtave dhe lirive themelore të njeriut, parime mbi të cilat mbështetet puna e P.E.N. International, (Organizatë Ndërkombëtare për Shkrimtarët, me zyra në Londër) e cila ka status bashkëpunimi me OKB, UNESCO,etj).