Kandidati i LDK-së për kryetar të Prizrenit, Eqrem Kryeziu beson se do të fitojë betejën për Prizrenin. Ai tha se pas 3 nëntorit, do të jetë kryetari jo politik i Prizrenit. ”Unë do të jem kryetari jo politik i Prizrenit”.
Kryeziu të shtunën është takuar me banorët e lagjes “11 Marsi” në Prizren. Ai në këtë lagje është pritur nga shumë simpatizantë dhe anëtar të LDK-së. “Ndihemi mirë që ju shoh kaq shumë. Kjo është forca e arsyjes që na motivon të punojmë”, tha Kryeziu.
Ai ftoi të gjithë që t’i bashkohen LDK-së. “Me ne qytetari ndihet i sigurt. Në qeverisjen tonë do t’i trajtomë të gjithë njëjtë pa përjashtim”.
Kryeziu premtoi se gjatë qeverisjes së tij një kujdesie të veçanet do t’i kushtohet rinisë.
“Edukimi i rinisë do të jetë prioritet i yni. Ne nuk kemi rini për eksport, por një rini konkurrues me rinin evropiane dhe profesionalisht e përgatitur për proceset integruese”./PrizrenPress.com/