15.8 C
Prizren
E mërkurë, 11 Shtator, 2024

Zhvillimi i bujqësisë, prioritet i VV-së në Korishë

Rexhaj-korishëKandidati i Lëvizjes Vetëvendosje! për kryetar të Komunës së Prizrenit, Arbër Rexhaj, ka takuar banorët e fshatit Korishë. Në kuadër të planit për zhvillimin ekonomik të Prizrenit, Rexhaj tha se nevojitet krijimi i kushteve më të favorshme për zhvillimin e bujqësisë dhe blegtorisë.

“Për këtë arsye është i nëvojshëm subvencionimi i fermerëve në farë dhe karburant”, tha Rexhaj.

Ai, më pas ka shprehur vizionin e tij për Komunën publike që realizohet nëpërmjet transparencës së plotë financiare.

“Prizrenit nuk i mungojnë donacionet, për të cilat do të nevojitet krijimi i dy zyrave të posaçme që do të funksionojnë për mbështetje ekonomike”, tha Rexhaj. Duke shtuar, ai foli edhe për rolin e Asamblesë, të cilës do t’i rikthehet funksioni i saj i mëparshëm si qendër kulturore e zhvillimit.

Ndërkaq, deputeti i Kuvendit të Republikës së Kosovës, Afrim Kasolli, ka shprehur vullnetin e Lëvizjes Vetëvendosje! për krijimin e shtetit social, që ka për qëllim zbutjen e pabarazive shoqërore.

“Barazia sociale është parakusht për krijimin e shtetit të së drejtës”, tha Kasolli.

Ai theksoi se VV-ja parasheh krijimin e Bankës Bujqësore për t’u mundësuar fermerëve marrjen e kredive pa kamatë, si dhe uljen e TVSH-së për prodhimet bujqësore.

Në fund, Kasolli i ka porositur korishasit se “duke votuar Arbër Rexhaj do të ndryshojë Prizreni”./PrizrenPress.com/

Më Shumë

Rrënohet një objekt në Landovicë, mori lejen për fermë të kuajve e u shndërrua në motel

Ka filluar rrënimi i objektit në Landovicë të Komunës së Prizrenit, i cili ishte pajisur me leje ndërtimore për “ranch për kalërim”, ndërsa është...

Sot varroset drejtori i  Shëndetësisë në Malishevë, Hajdin Berisha

Drejtori i  Drejtorisë për Shëndetësi në Malishevë, dhe ish-pjesëtar i UÇK-së,Hajdin Berisha,do të varroset sot. Ceremonia e varrimit do të mbahet në orën 17:00, ndërsa...

Lajmet e Fundit