25.3 C
Prizren
E hënë, 15 Shtator, 2025

Kurti: Nuk do të votojmë asgjë pa marrëveshje

Kurti-Haradinaj14-14Takimi në mes të tri partive të bllokut opozitar, LDK-AAK-Nisma dhe Lëvizjes Vetëvendosje, ka përfunduar pa marrëveshje. Mirëpo, nuk përjashtohet mundësia për takime tjera.

Pas takimit në mes të liderëve të tri partive të bllokut opozitar dhe Lëvizjes Vetëvendosje, kryetari i kësaj të fundit, Albin Kurti, ka deklaruar për media se nuk është arritur pajtim me opozitarët për pikat që u janë parashtruar nga subjekti i tij politik.

“Sot e patëm takimin e radhës, dhe mund të them se përafrimet e mëhershme nuk kanë pasur avancime të mëtutjeshme. Ekziston një shpërputhje midis dakordimeve verbale, deklarative të bëra më herët dhe gatishmërisë për t’i vënë këto në letër, në një tekst të shkruar dhe për t’i nënshkruar në fund”.

“Pra, mund të them se ka ngecje në përafrimet e mëhershme të cilat mund të shpijnë në një marrëveshje. Nuk ka marrëveshje me koalicioni LDK-AAK-Nisma”.

“Nuk jemi pajtuar për pikat e privatizimit dhe dialogut me Serbinë. Mund të ketë edhe një takim gjatë ditës së sotme”.

Kurti ka bërë të ditur se pa marrëveshje, VV nuk do të votojë qeverinë e opozitës dhe as kryeparlamentarin.

“Përderisa e kemi këtë situatë, Vetëvendosje nuk mund ta votojë dhe nuk do ta votojë propozimet të cilat do të dalin në Kuvend gjatë seancës konstituive të së enjtes, përkitazi me kryeparlamentarin”.

“Së pari duam një marrëveshje të plotë dhe së dyti vetëm kur realizohet kjo marrëveshje, ne do të mund të kalojmë tek votimet e deputetëve tanë në Kuvend”.

“Shpërputhjet kanë të bëjnë lidhur me çështjen e dialogut dhe çështjen e privatizimeve. Kemi pasur më herët dakordime dhe përafrime verbale, por, të cilat sot, nuk arritëm ende që t’i bëjmë marrëveshje si tekst i shkruar që do nënshkruhej prej nesh. Mbase do të ketë edhe një takim sot”.

Më Shumë

Dogana e Kosovës zbulon mall me origjinë të pasaktë në Vërmicë, nis procedura kundërvajtëse

Dogana e Kosovës ka identifikuar një rast të mosdeklarimit të saktë të origjinës së mallrave gjatë procedurave të importit në pikën doganore të Vërmicës. Gjatë...

E pse qenka i ndershëm Albin Kurti?

Nga Ben Blushi Para kosovarëve shumë popuj kanë patur fatkeqësinë të drejtohen nga një njeri i papërshtatshëm. Ka qëlluar që kryeministrat janë të paaaftë siç është...

Lajmet e Fundit