Lidhja Demokratike e Kosovës(LDK) në Prizren, ka akuzuar pushtetin lokal për shepnzimet e mëdha që ka bërë për darka e dreka.
“Derisa paraja publike e qytetarit të Prizrenit, keqpërdorët pa kurrfarë kriteri, Ramadan Muja përkundër aktakuzave për shpërdorim të detyrës zyrtare dhe keqpërdorim të parasë publike, në këtë kohë fushatë ka marr hovin më të madh. Taksat e qytetarit të Prizrenit tani më dihen ku shkojnë, në karburante dhe dreka zyrtare”, thuhet në komunikat të LDK-së.
Sipas këtij subjekti politik, për kohën kur nuk ishte fushatë, vetëm për gjashtë muaj, fatura e shpenzimeve të naftës kapë shumë prej 113 mijë euro, kurse fatura e drekave dhe qafeve të Ramadan Mujës tejkalon shumën e 46 mijë eurove.
“Për këtë kohë fushate, kjo faturë sigurisht se do të shumë fishohet, pasi që veturat zyrtare të komunës së Prizrenit, tani më me logo të larguara lëvizin gjithandej 24 orë në shërbim të PDK-së”.
LDK-ja akuzon pushtetin lokal edhe për gjendjen e rëndë të KF “Liria”. “Kuvendi Komunal i Prizrenit, bazuar në vendimin e Asamblesë Komunale, ka marr një vendim për marrjen nën menaxhim të KF “Liria”. Menaxhimi sipas vendimit nënkupton edhe obligimet ndaj stafit dhe lojtarëve. Tani kur shpresonim se ekipi i krenarisë prizrenase më në fund do të ketë një trajtim të merituar, po ndodhë krejt e kundërta. Ata leje që nuk i morën me obligimet dhe pagat e mbetura borxh nga e kaluara, ata nuk kompensohen as për pagat e muajit të fundit”.
Dega e Lidhjes Demokratike të Kosovës në Prizren e dënon këtë papërgjegjësi të këtij pushteti. “E mira e gjitha të këqijave është se Ramadan Muja dhe vartësit e ti po i numërojnë ditët e fundit në pushtetin e vjedhur në vitin 2009”./PrizrenPress.com/