Kryetari i Nismës për Kosovën, Fatmir Limaj, ka thënë se Prizreni e ka një mundësi të jashtëzakonshme për t’i dhënë mundësi ndryshimit. Ndryshimi, sipas tij, është vota për Zafir Berishën.
“Ne besojmë fort se ofrimi dhe bashkimi i ndërtimit të urave të bashkëpunimit duke ofruar mundësi njerëzve për me ndryshu jetën e tyre. Përderisa një grup shan dhe rrënon, në anën tjetër është një grup bën premtime mashtruese. Ndërsa, ne do të jemi zëri i njerëzve të varfër. Janë qindra familje të cilët janë në gjendje të keqe. Kemi ndërmarrës, bujq e punëtor të cilët nuk e kanë mbështetjen e shtetit. Ne nuk duam votë me premtime mashtruese. Ne duam votë për projekte. Nuk duam votë, e cila sjellë përçarje mes shqiptarëve”, ka thënë Limaj në një tubim me banorët e Zhurit.
Limaj ka thënë se kundërkandidatët e Berishës nuk kanë bërë asgjë për Prizrenin. Ai ka thënë se sot patriotizëm është më i ndihmu njerëzit, kur të rinjve u hap vende të reja pune.
Tutje, Limaj ka thënë se me fitoren e Berishës, fiton Prizreni dhe qytetarët e tij.
E, kandidati për kryetar të Prizrenit, Zafir Berisha ka ftuar qytetarët e Zhurit që ta përkrahin Nismën në zgjedhjet e 22 tetorit. Ai ka thënë se është shumë më rëndësi që të shkoj në opozita qeverisja aktuale në këtë komunë.
“Asnjëherë nuk do të ndalem nga rruga e drejtë për të punuar për qytetarët e Prizrenit. Mbështetni projektin socialdemokrat të Nismës sepse ne do të jem zëri i juaj dhe do t’i mbrojmë denjësisht interesat e qytetarëve”, ka thënë Berisha.
Prezentë në këtë tubim ishte edhe anëtarja e kryesisë se Nismës, Valdete Bajrami. Kjo e fundit tha se është koha ta mbështetni Nismën dhe Zafir Berishën për kryetar të Prizrenit. Ajo ka thënë se koha e Nismës po vjen, duke shtuar se Prizrenit i duhet një kryetar si Zafir Berisha.