Në konferencën e jashtëzakonshme të organizuar nga AAK, Ahmet Isufi ka konfirmuar se Ramush Haradinaj është liruar.
Policia sllovene: Rasti i Haradinajt do të trajtohet sonte në gjykatën e Kranjit
Lirimi i kryetarit të AAK-së, Ramush Haradinajt, mund të lirohet vetëm gjatë orëve të mbrëmjes.
Në një prononcim për lajmi.net, zyra për informim e Policisë së Sllovenisë kanë konfirmuar arrestimin e Haradinajt në bazë të një fletarresti të Interpol-Serbia.
Zyrtari për informim i kësaj policie, Bojan Kos, ka thënë se një shtetas i Kosovës është arrestuar dhe se procesi do të vazhdojë tutje te gjykatësi hetues në Gjykatën e Qarkut në Kranj – sot pasdite.
Sipas tij, i gjithë procesi mund të përfundojë vetëm pas përfundimit të procedurave gjyqësore.
“Për arsye të konfidencialitetit të të dhënave personale, ne vetëm mund të konfirmojmë arrestimin e një shtetasi të Kosovës, i cili është i kërkuar nga Interpol-Serbia. Personi është arrestuar sot në aeroportin e Lubjanë. Lënda do të shkojë te gjykatësi hetues në Gjykatën e Qarkut sot pasdite për procedura të mëtejshme”, ka thënë Kos.