Një anëtar i Listës Serbe ka mohuar lajmin e mediave serbe se Lista Serbe do ta përkrah Partinë Demokratike të Kosovës.
“Nuk kemi vendosur ende se kë do ta përkrahim”, ka thënë shkurt ky anëtar i Listës Serbe për Indeksonline.
Në anën tjetër, kryetari i kësaj liste, Aleksandar Jablanovic, në një prononcim për Gazetën Blic ka demantuar raportimet se Lista të cilën ai e udhëheq ka arritur marrëveshje me PDK-në e Hashim Thaçit.
“Nuk kemi marrëveshje me asnjë parti politike, e aq më pak me Partinë Demokratike të Kosovës”, ka thënë ai për Gazetën Blic.
Sipas tij, Lista Serbe ka kërkuar kohë shtesë, në mënyrë që të diskutojë për situatën e krijuar pas hyrjes së Lëvizjes Vetëvendosje në koalicion me LAN-in, gjegjësisht të diskutojë për dialogun Kosovë- Serbi që pritet ta udhëheq VV-ja.
“Askush në Listën Serbe nuk ka thënë se do të rreshtohet nga një krah në krahun tjetër. Jemi parti unike dhe secili anëtarë i respekton qëndrimet e partisë”, ka thënë ai për gazetën Blic.
Ndërkohë, para pak orësh, Blic i Beogradit ka raportuar se Lista Serbe do ta mbështes PDK-në e Hashim Thaçit./indeksonline/Gazeta Blic/