LVV qendra në Dragash thotë se pasi nuk arritën të futeshin në balotazh, vendosën të mbështesin në balotazh kandidatin e LDK-së për të ndryshuar qeverisjen disavjeçare të PDK-së në këtë komunë.
“Duke parë nevojën e madhe për ndryshim, por fillimisht për të ndaluar të keqen shumëvjeçare në komunë, qendra jonë, në konsultim me organet e Lëvizjes, ka mbështetur zyrtarisht kandidatin e Lidhjes Demokratike, tashmë kryetarin e ri të zgjedhur të Sharrit, z.Bexhet Xheladini për çka jemi deklaruar edhe publikisht”.
“Tash kur është kuptuar rezultati preliminar për garën e balotazhit dhe me vendimin tonë që të jemi në koalicion, theksojmë se jo vetëm që jemi përkujdesur që të ndalet keqqeverisja, por do të kujdesemi që edhe qeverisja e re të jetë mirëfilli e re dhe në përputhje me vullnetin qytetar të jetë e drejtë dhe në shërbim të qytetarëve”.
LVV thotë se zotimet e dhëna në fushatë do t’i shtyjnë përpara në qeverisje.
“Ditëve në vijim do të njoftojmë opinionin publik në lidhje me detajet e bashkëpunimit në Komunën e Sharrit”, thuhet tutje në njoftimin e LVV-së./Telegrafi/