-3.2 C
Prizren
E hënë, 6 Shkurt, 2023

Malisheva i del në ndihmë Skenderajt pas vërshimeve të fundit

Si pasojë e vërshimeve që përfshin disa komuna të Kosovës gjatë kësaj jave, që shkaktuan dëme në ekonomitë familjare, bizneset, infrastrukturë rrugore e të tjera institucione dhe biznese të ndryshme janë mobilizuar për t’iu dalë në ndihmë banorëve të prekur.

Ndër komunat më të prekura ka qenë ajo e Skenderajt.

Në përkrahje të familjeve të prekura nga vërshimet në Skenderaj, së fundmi është mobilizuar Komuna e Malishevës, banorët dhe bizneset e saj.

“Situata e rënduar si pasojë e vërshimeve që ditë më parë përfshiu disa qytete në Kosovë, në masë më të madhe Skenderajn, ka prekur tej mase edhe shpirtin e mirë të qytetarëve dhe bizneseve të Komunës së Malishevës, që në koordinim me Komunën tonë kanë nisur një aksion të grumbullimit të disa pakove ushqimore dhe higjenike, që sot i kemi dërguar në Skenderaj”, ka njoftuar kryetari i Malishëvës Ekrem Kastrati.

Reklama

Ai ka shprehur kënaqësinë për mbarëvajtjen e aksionit, derisa ka uruar që askush të mos preket në të ardhmen nga fatkeqësi të tilla natyrore.

“Jam tejet i lumtur me ekipen organizative dhe në përgjithësi me qytetarët dhe bizneset tona, që u bënë pjesë e këtij aksioni për të mbështetur familjet në fjalë, dhe urojmë që jo vetëm Skenderaj, por askush të mos jetë në të ardhmen i rrezikuar nga fatkeqësi të tilla natyrore”, ka deklaruar tutje Kastrati.

Kujtojmë, në komunat e prekura nga vërshimet janë formuar komisione për evidentimin e dëmeve.

Shirat e rrëmbyeshëm shkaktojnë shpesh vërshime në Kosovë.

Sipas Institutit reshjet e shiut me intensitet të ndryshuar, pritet të vazhdojnë edhe gjatë ditëve në vazhdim deri më 25 janar.

Më Shumë

Rexhepi: Jam kundër Asociacionit njëetnik, për mua s’është marrëveshje ndërkombëtare

Zëvendëskryeministrja e Kosovës, Emilja Rexhepi, ka folur për takimin e mbajtur në Ambasadën Amerikane ku u diskutua çështja e Asociacionit të Kosovës.   Rexhepi tha se...

Sonte ceremonia e çmimeve Grammy

Sonte do të mbahet ceremonia e 65-të Vjetore e Çmimeve Grammy, e cila do të mbahet në Crypto.com Arena në Los Angeles. Beyonce kryeson me...

Lajmet e Fundit