Ka ndërruar jetë në moshën 66-vjeçare Dr. Naser Oskaqak, specialist i kirurgjisë së përgjithshme dhe mjek me një karrierë të gjatë në Spitalin e Përgjithshëm “Prim. Dr. Daut Mustafa” në Prizren, ku shërbeu që nga viti 1990.
Dr. Oskaqak përfundoi Fakultetin e Mjekësisë dhe specializimin në Kirurgji, ndërsa gjatë gjithë veprimtarisë së tij profesionale u dallua për përkushtimin, ndershmërinë dhe përgjegjësinë në shërbim të pacientëve.
“Dr. Naser Oskaqak ishte një njeri i afërt, kolegial dhe i përkushtuar ndaj profesionit. Gjatë punës në spital, ai i ka kryer detyrat dhe obligimet profesionale me përkushtim, ndershmëri dhe përgjegjësi, gjithmonë në shërbim të pacientëve dhe të gjithë atyre që kishin nevojë për kujdes dhe shërbime shëndetësore”, thuhet në njoftimin e Spitalit të Përgjithshëm “Prim. Dr. Daut Mustafa”.
Menaxhmenti, stafi i Repartit të Kirurgjisë dhe të gjithë punonjësit e spitalit kanë shprehur ngushëllimet më të sinqerta për familjen, kolegët dhe miqtë e të ndjerit.
“Kujtimi për jetën, kontributin dhe shembullin profesional të Dr. Naser Oskaqakut do të mbetet i përhershëm”.
Marketing
Realizoni projektet tuaja me BiCredit, partneri juaj i besueshëm financiar në Prizren!
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
Hapësira me qira në objektet e reja te ‘RENELUAL TAHIRI’ në Prizren
