Ish-ambasadori i Shqipërisë në Kosovë, Islam Lauka, ka thënë se të dyja marrëveshjet, ajo për Asociacionin e komunave serbe dhe ajo për Demarkacionin me Malin e Zi, nuk janë pa mëkate.
Sipas tij, këto marrëveshje nuk janë bërë nga malli, por nga halli.
Lauka në një intervistë për “Epokën e re” i ka dhënë të drejtë opozitës që t’i shprehë mospajtimet për këto dy marrëveshje, por ka thënë se është kundër përdorimit të gazit lotsjellës në Kuvend dhe kundër përdorimit jopërpjesëtimor të dhunës nga ana e policisë ndaj protestuesve më 28 nëntor.
Ai i ka bërë thirrje klasës politike në Kosovë që nëpërmjet dialogut ta gjejë mënyrën për të dalë nga ky ngërç.
Lauka në këtë intervistë ka folur edhe për qeverisjen në Shqipëri dhe situatën e shqiptarëve në Luginë të Preshevës dhe Maqedoni.