Pasojat e mbylljes së disa institucioneve private të arsimit të lartë në Shqipëri janë ndier edhe në Kosovë.
Mijëra të diplomuar atje ka rrezik të mbesin pa punë, meqë MASHT-i nuk i konsideron si kuadër profesional.
MASHT-i s’mban përgjegjësi për ish-studentët kosovarë në Shqipëri
Shumë kuadro, kryesisht të fushës së mjekësisë, punojnë në Kosovë me diploma të institucioneve private të arsimit të lartë në Shqipëri, e që nga e mërkura janë mbyllur me vendimin e Qeverisë në Tiranë. Ata ka shumë shanse të humbin vendet e punës, meqë këto kualifikime nuk do të njihen nga institucionet e Kosovës, shkruan sot Koha Ditore.
Këtë gjë e kanë thënë të mërkurën për gazetën përfaqësues të një grupi të ish-studentëve kosovarë që kanë studiuar në Shqipëri, të cilët prej kohësh kanë kërkuar nostrifikimin e atyre diplomave nga MASHT-i, përcjell koha.net. Ata kanë kërkuar nga MASHT-i që t’i verifikojë dhe t’i publikojë emrat e atyre që morën diploma nëpërmjet rrugëve ilegale dhe të mos i fusin në një thes të gjithë ata që kanë diplomuar në Shqipëri.