Kryetari i Komunës së Prizrenit, Ramadan Muja nuk ka pranuar që të blejë veturë të re për vete. Ai ka kërkuar që të vazhdojë të shfrytëzojë veturën e ish-kryetarit, Eqrem Kryeziut.
Në fund të mandatit të tij shtatë vjeçar ish -kryetari i Komunës së Prizrenit Eqrem Kryeziu, pati blerë veturën e llojit “Mercedes 320 CDI” në korrik të vitit 2007.
Ramadan Muja, pas ardhjes në krye të Komunës nuk e ka ndërruar veturën. Ai për dy mandate ka shfrytëzuar veturën e blerë nga Kryeziu.
Në këtë koh sipas tenderit që është bërë nga komuna e Prizrenit dhe bazuar në faktet që na ofroi Nezir Rexhepi tani zyrtar në zyrën e prokurorimit atëbotë shef i kësaj zyre, kjo veturë është paguar me vlerën prej 59.100 euro,shkruan Kosova Sot.
Zyrtarë të Komunës së Prizrenit pohuan se vitin që shkoi kanë dashur dhe kanë menduar për një veturë tjetër, por kryetari Ramadan Muja nuk ka lejuar një gjë të tillë. Ai edhe mandatin e tretë ka kërkuar që të përdorë të njëjtën veturë.