Disa të rinj të një organizate në Prizren kanë protestuar para ndërtesës së Kuvendit komunal kundër kryetarit të ri Mytaher Haskuka, gjatë kohës sa ka dhënë betimin.
Të rinjtë i kanë bërë thirrje Haskukës të mos e bëjë betimin para se Gjykata Kushtetuese ta marrë vendimin përfundimtar për epilogun e zgjedhjeve në Prizren.
“Hapi kutitë”, “Priteni vendimin e Gjykatës Kushtetuese” ishin vetëm disa nga pankartat që këta protestues mbanin në duar para hyrjes qendrore të Kuvendit Komunal të Prizrenit, ndërsa brenda sallës Haskuka betohej si kryetar i ri i prizrenasve.