8.8 C
Prizren
E mërkurë, 5 Tetor, 2022

Nait Hasani përgënjeshtrohet nga Burdushi për “shpirtrat e ligë”

Deklarata e deputetit të PDK-së, Nait Hasani se shpirtrat e këqij largohen duke gjuajtur me armë, është përgënjeshtruar nga një person që ia ka kushtuar gjithë jetën çështjeve besëtytnore, Hysri Burdushi. Ai e ka quajtur rrenë të kulluar, se shpirtrat mund të largohen duke i gjuajtur me armë.

Burdushi është pyetur nga një person në llogarinë e tij në Facebook, se a është e vërtetë se shpirtrat e këqij mund të largohen duke i gjuajtur me armë.

“Jo është rrenë e kulluar, s’ka armë që mundet me i frikësuar apo me i mbytë shpirtin, se shpirti është jo materie formimit dhe është i pa dukshëm për syrin e njeriut. Janë metodat tjera që ka mundësi me i larguar dhe me i zhdukur. Sa i përket armeve që janë duke gjuajtur nga qejfi apo nga zori me i frikësuar shpirtin e di qe kemi tani disa lugata shumë të rrezikshëm që na e kanë sjellë mjegullën në Kosovë dhe jemi verbuar si pulat në kocak po sillemi. E këta lugatat ishalla na largohen sivjet e të ketë ndryshime Kosova”, ka shkruar Burdushi në përgjigjen e tij.

Gjatë ditës së sotme është mbajtur interpelanca ndaj kryeministrit, Ramush Haradinaj, për gjuajtjen me armë të zëvendëskryeministrit, Dardan Gashi. Në mbrojtje të Gashit dolën deputetët e partnerit të koalicionit. Nait Hasani tha se gjuajtja me armë ndodh për shkak që të largohen shpirtrat e këqij nga familja.

“Te ne gjuhet për gëzime të ndryshme, për lindje, martesa e të tjera. Kjo bëhet për t’i larguar shpirtrat e këqij nga familja. Kjo bëhet përmes gjuajtjes me armë dhe kjo është traditë e mirë”, deklaroi Hasani./Insajderi.com

Lexo më shumë në: http://www.gazetaexpress.com/lajme/nait-hasani-pergenjeshtrohet-nga-burdushi-per-shpirtrat-e-lige-491932/?utm_source=referral&utm_medium=web&utm_campaign=copyright

Më Shumë

Prizren, hapen kurse trajnuese të zanatit të filigranit

Filigrani është një nga veprimtaritë më të vjetra në Kosovë, me prejardhje nga shekulli XV dhe që gjendet më së shumti në Prizren, raporton...

Meriton Korenica fiton çmimin ‘Ylli i javës’ në Albi Mall Superligë

Federata e Futbollit e Kosovës së bashku me sponsorin e Superligës, Albi Mall , vazhdojnë ndarjen e çmimit “Ylli i Javës” pas çdo xhiroje...

Moti sot

Lajmet e Fundit