Është bërë një vit prej kur është vrarë Elvis Pista, kandidat për deputet nga radhët e partisë Demokratike të Kosovës. Por që nga ajo kohë e deri më tash nuk ka asnjë të dyshuar për vrasjen e tij.
Pavarësisht pretendimeve të Prokurorisë disa muaj më parë se janë afër zbulimit të dorasve që ia kanë marrë jetën Pistës, një gjë e tillë ka mbetur vetëm në fjalë, por në vepër nuk është bërë asgjë.
Prokuroria Themelore në Gjakovë si kompetente për hetimin e këtij rasti, pavarësisht tentimeve të gazetës, gjatë të hënës nuk ka qenë në gjendje që të thonë as edhe një fjalë në lidhje me hetimin e këtij rasti.
Familja Pista nga Rahoveci ndërkaq tash e një vit është në pritje të rezultateve të hetuesisë, e cila vazhdon të arsyetohet me faktin se po i ndërmarrin veprimet hetimore. /Zëri/