Sot, me 2/3 e votave të anëtarëve të Këshillit Drejtues, Prof. Dr. Ramë Vataj është zgjedhur rektor i Universitetit “Ukshin Hoti” në Prizren.
Në garën për rektor të Universitetit ishin 8 kandidatë, ndërsa në listë të ngushtë ishin tre kandidatë: Prof. Dr. Ramë Vataj, Prof. Asoc. Dr. Fahredin Shabani dhe Prof. Asoc. Dr. Lirak Kajragdiu.
“Kryetari i Këshillit Drejtues të UPZ-së, Avdullah Aliu dhe anëtarët e tjerë të KD-së i uruan detyrën rektorit të ri dhe i dëshiruan suksese në punë”, thuhet në njoftimin e Universitetit të Prizrenit.
Ramë Vataj, ishte deputet në Kuvendin e Kosovës si dhe kandidat për kryetar të Suharekës nga radhët e Partisë Demokratike të Kosovës – PDK, në zgjedhjet e fundit lokale.