Osman Hajdari është emëruar shef i Grupit Parlamentar i Bashkimit Demokratik. Hajdari premtoi se me përgjegjësi do të përfaqësojë votuesit dhe të gjithë qytetarët e Komunës së Prizrenit.
“I gjithë përcaktimi ynë publik do të jetë në përputhje me programin e BD-së dhe interes e qytetarëve”.
Në mbledhjen e Kryesisë së Bashkimit Demokratik, është diskutuar edhe rreth zgjedhjeve të fundit lokale, ku një komision i veçantë pas analizës tre javore raportoi para Kryesisë për aktivitete e partisë.
Kryetari i BD-së Zafir Berisha tha ndërkaq se Bashkimi Demokratik me mbështetjen e qytetarëve në zgjedhjet e fundit ka hedhur një hap të rëndësishëm në Komunën e Prizrenit dhe Dragashit ku është identifikuar si forcë serioze politike.
“Mbi këtë forcë ky subjekt politik, do të angazhohet edhe më fuqishëm në të ardhmen si opozitë konstruktive për të mbrojtur interes e qytetarëve”.
Kryesia e Bashkimit Demokratik ka diskutuar edhe për angazhimin në vazhdimësi që duhet të bëjë me strukturat e partisë për shtimin e bashkëpunimit me qytetarët për krijimin e hapësirës sa më të madhe për të gjithë.
“Tashmë po dihet se viti 2014-të do të jetë vit i zgjedhjeve parlamentare, por në Prizren duhet të ndodhë edhe ajo që pritet që të veprojë ligji dhe drejtësia në raport me të pandehurin Ramadan Muja, i cili në pranverë ka mundësi që qyteteti i Prizrenit të shkojë në zgjedhje të parakohshme”.
“Prandaj duke pasur parasysh situatën në të cilën gjendemi Bashkimi Demokratik shton dinamikën e organizimit me qëllimin që në një të ardhmen të jetë forca e parë politike në Komunën e Prizrenit dhe Dragashit”./PrizrenPress.com/