Organizatori i lojës së Arsenal, Mesut Ozil ka thënë se bisedimet për kontratën e re me klubin nga Londra do të nisin në verën e këtij viti.
28 vjeçari ka vetëm edhe një vit në kontratën e tij, pas asaj që nënshkroi në vitin 2013 kur kaloi nga Real Madrid te The Gunners.
Sidoqoftë, gjermani ka deklaruar se dëshiron të ndihmojë Arsenalin – i gjashti në tabelë, që të përfundojë në top katërshe dhe të sigurojë kualifikimin për në Champions League para se ta diskutojë të ardhmen.
“Në këtë çast çka është e rëndësishme, është Arsenal, jo unë apo dikush nga lojtarët tjerë”.
“Ekipi po kalon nëpër kohë të vështira dhe në këtë fazë unë nuk jam më i rëndësishmi, askush tjetër – me rëndësi është klubi”, ka thënë Ozil.
“Do të flasim në këtë verë për të qartësuar gjërat. Do të jetë gabim tash që të mendojmë për atë”, ka shtuar gjermani.