Deri në 25 milionë vende pune mund të humben në të gjithë botën për shkak të pandemisë së coronavirusit, paralajmëron Organizata Ndërkombëtare e Punës së Kombeve të Bashkuara (ILO).
Sipas mediave të huaja, përcjell Telegrafi, ILO thotë se në rastin më të keq Covid-19 mund të shkaktojë më shumë papunësi në të ardhmen, ndryshe nga kriza globale në vitin 2008.
Ekspertët thonë se gjatë kësaj pandemie, 24.7 milionë vende pune mund të humben.
ILO bëri thirrje për masa urgjente në nivel kombëtar dhe global për të minimizuar nivelin e papunësisë të shkaktuar nga virusi.
Ata deklarojnë që kjo situatë duhet të bazohet në mbrojtjen e të drejtave të punëtorëve, stimulimin e ekonomisë dhe punësimit, si dhe mbështetjen e vendeve të punës dhe të ardhurave.