Këshilltari i Ramush Haradinajt, Avni Arifi, thotë se burrëri është kur e respekton marrëveshjen edhe kur ajo nuk del ashtu siç është pritur.
Duke parë zhvillimet e fundit brenda Bllokut, Arifi duket se aludon në partneri e tyre të madh të koalicionit paszgjedhor, LDK-në e Isa Mustafës e cila tash po kërkon reflektim nga partnerët e saj për dalje nga kjo situatë.
“Kohëve të fundit nga disa qoshe po flitet për burrëri dhe sakrificë. Brezin tonë por edhe brezat tjerë na kanë edukuar se burrëri është kur e mban fjalën e dhënë dhe e respekton marrëveshjen edhe atëherë kur nuk të del ashtu siç e ke pritur”, shkruan Avni Arifi në Facebook.
“Sakrifica, jo domosdoshmërishtë duhet të ketë një adresë. Askush nuk ka të drejtë të kërkoj nga ata që sakrificën e kanë dëshmuar të vazhdohet të kërkohet sakrificë pakufi”, thotë Arifi.
Ndryshe, Isa Mustafa ka paralajmëruar konsultat me Degët dhe organet e LDK-së e më pas edhe me partnerët e koaliconit për të gjetur një zgjidhje për tejkalimin e bllokadës institucionale, teksa torëthotazi ka pranuar se Kryparlamentari sipas vendimit të Kushtetueses i takon vetëm PDK-së.