Është prezantuar raporti “Dekada e sigurisë 2010-2019”. Ministri i Infrastrukturës Arban Abrashi tha se nga viti 2010 deri në vitin 2019 në rrugët e Kosovës kanë humbur jetën 1 317 persona si dhe janë lënduar mbi 5 000 persona.
Ai ka theksuar se çdo vit në botë humbin jetën nga aksidentet rrugore rreth 1.3 milion njerëz.
“Ky raport ka material të rëndësishëm që të na udhëzojë në parandalimin e aksidenteve. Aksidentet rrugore janë bërë shkak kryesor i vdekjes. Çdo vit me shumë se 1.3 milionë njerëz vdesin në gjithë botën dhe më shumë se 10 milionë të lënduar”, raporton E.O.
“Për të rritur nivelin është e nevojshme të hartohet një plan në zbatimin e masave të zbatuara. Në vendin tonë ka rritje të automjeteve dhe siguria rrugore është bërë problem në shoqërinë tonë. Nga viti 2010 deri në 2019 në rrugët e Kosovës kanë humbur jetën 1 317 persona dhe janë lënduar mbi 5 mijë persona”.
Ministri i MPB-së Agim Veliu ka thënë se për periudhën dhjetor-janar 2018-19 numri i aksidenteve ka pasur rritje prej 2.9%.