Është arrestuar miku i të dyshuarit për shpërthimin në fshatin Zhur të Prizrenit, Iran Badallaj.
Zëdhënësi i Policisë në Prizren, Shaban Osmanollaj tha se arrestimi i tij është bërë me urdhër të Prokurorisë.
“Njësia policore ka arritur të arrestojë të dyshuarin, me vendim të prokurorit. I njëjti është dërguar në mbajtje”, tha Osmanollaj për “PrezrenPress”.
Sipas tij, i arrestuari dyshohet për rastin e shpërthimit në Zhur.
Më 28 janar, në kurthin me eksploziv, të montuar nga Irani, ranë zyrtarët policorë të Kosovës.
Nga shpërthimi vdiq polici Sami Thaçi dhe u lënduan katër të tjerë, në mesin e tyre edhe djali i mitur i Iranit./PrizrenPress.com/
Për ditën e Shën Valentinit, Cineplexx dhuron udhëtim në Dubrovnik për një çift