28.2 C
Prizren
E enjte, 4 Shtator, 2025

Përurohet reparti i renovuar i Kirurgjisë në spitalin e Prizrenit

Është përuruar reparti i rinovuar Kirurgjisë në spitalin e Prizrenit.

Ministri i Shëndetësisë, Rifat Latifi, tha se spitali i Prizrenit është më i mirë në Kosovë.

“Përurimi i sotëm i repartit të Kirurgjisë është një ngjarje e rëndësishme në zhvillimin dhe avancimin e kirurgjisë jo vetëm në Prizren, por edhe më gjerë, avancimin e ndryshimeve, ngritjen e cilësisë së shërbimeve, si dhe ngritjen e motivimin e personelit të spitalit. Për këtë falënderoj edhe bashkëpunimin e shkëlqyer të Kosovës me Qeverinë e Luksemburut, dhe në veçanti ambasadores Gomesh për përkushtimin e saj për të ndihmuar shëndetësinë e Kosovës në përgjithësi, të Prizrenit në veçanti”, tha Latifi.

Pjesëmarrëse në këtë përurim ishte edhe Natacha Gomesh, ambasadore e Luksemburgut në Kosovë.

“Ne nga vitit 2003 jemi duke përkrahur shëndetësinë në Kosovë, edhe spitalin e Prizrenit, me qëllim të ngritjes së cilësisë dhe zgjerimin e gamës së shërbimeve shëndetësore, ndërsa spitali i Prizrenit është shembull i ofrimit të këtyre shërbimeve për qytetarët e rajonit të Prizrenit, dhe ne do të vazhdojmë me përkrahjen e Kosovës”, tha ajo.

Drejtori i spitalit të Prizrenit, Afrim Avdaj, falënderoi Ministrin e Shëndetësisë për vizitën dhe vlerësimin e punës dhe të arriturave të spitalit.

“Përurimi i sotëm i repartit të rinovuar të kirurgjisë është një hap drejt akreditimit ndërkombëtar për çka falënderojmë edhe Qeverinë e Luksemburgut dhe ambasadoren Gomes së bashku me ekipin e Luxdev për përkrahjen e vazhdueshme në rrugëtimin për akreditim ndërkombëtarë”, tha ai.

Më Shumë

Liria e Prizrenit kthehet me një pikë nga Shtime

Ndeshja mes Vjosës dhe Lirisë së Prizrenit në Stadiumin e Qytetit në Shtime përfundoi me rezultat 1-1. Pjesa e parë u mbyll me gol të...

Në Suharekë prezantohet projekt-buxheti i vitit 2026

Nën udhëheqjen e kryesuesit të Kuvendit Komunal, Bexhet Kuqi, sot në Suharekë është mbajtur takim me shefat e grupeve të asamblesë dhe anëtarët e...

Era e tokës

Lajmet e Fundit