Policia e Kosovës ka njoftuar se ka arrestuar një person për plagosje të rëndë në Prizren.
Sipas Policisë, i dyshuari pas një mosmarrëveshje me viktimën femër – shtetase e Shqipërisë, në një lokal në Prizren e ka qëlluar duke e lënë atë të plagosur. Viktima është dërguar për trajtim mjekësor në Qendrën Klinike Universitare të Kosovës, për shkak të lëndimeve të rënda trupore, shkruan PrizrenPress.
Policia bënë të ditur se nga i dyshuari është konfiskuar një karikator, dy fishek dhe një gëzhojë e kalibrit 7.62mm.
Pas intervistimit me vendim të prokurorit i dyshuari është dërguar në mbajtje. /PrizrenPress.com/