Policia e Kosovës ka arrestuar katër persona, pasi që i njëjtit kanë tentuar që ta fotografojnë votën.Hazir Berisha zëdhënës i policisë në rajonin e Prizrenit ka thënë për Gazeta Blic se personat që janë arrestuar do të mbahen për 48 orë në mbajtje.
“Ju konfirmoj se 4 persona janë arrestuar dhe do të mbahen për 48 orë në polici, ndërsa për një rast tjetër, një qytetare femër është në shqyrtim e sipër se çfarë do të ndodh më të, pasi që nuk kam informata për të”, ka thënë Haziri për Gazeta Blic.
Për këtë kishte reaguar Lëvizja Vetëvendosje në Prizren, të cilët kishin vërejtur se këta persona kanë tentuar apo fotografuar votën dhe që sipas tyre ishin të PDK-së.