Policia e Kosovës ka bastisur shtëpitë dhe objektet përcjellëse e dy të dyshuarve boshnjak, në Skorobisht të Prizrenit.
Në raportin e Policisë thuhet se me urdhëresë të Gjykatës Themelore në Prizren, Njësiti policor ka bastisur shtëpinë e të dyshuarit mashkull dhe gjatë kontrollit janë gjetur dhe konfiskuar: një revole Ekol special, dy pushkë ajrore me 81 fishekë, një shufër gome, tri thika dhe 98 fishekë të kalibrave të ndryshëm.
I dyshuari është arrestuar dhe me urdhër të prokurorit është dërguar në mbajtje, shkruan PrizrenPress.
Ndërsa, në shtëpinë dhe objektet përcjellëse e të dyshuarit tjetër janë gjetur dhe konfiskuar një pushkë gjuetie dhe një pushkë dhjetëshe. I dyshuari është arrestuar dhe pas intervistimit është liruar në procedurë të rregullt.
Policia njofton se lidhur me rastin është informuar prokurori kujdestar. Rasti është nën hetime. /PrizrenPress.com/