Zyrtarët policor të Drejtorisë Rajonale të Policisë në Prizren, ditën e parë të kësaj jave, masovisht kanë dhuruar vullnetarisht gjak për nevoja të Qendrës Kombëtare të Transfuzionit të Gjakut. Përveç angazhimeve që kanë, policia e Kosovës i përgjigjet edhe aktiviteteve humanitare.
Tashmë është bërë tradicional aksioni vullnetar i dhurimit të gjakut nga policët e Prizrenit, që organizohet nga QKTGJK-ja. Ata sot në numër tejet të lartë i janë bashkuar kampanjës së kësaj Qendreje, për të dhuruar gjak.Jakup Bajraktari, që 18 vite prej se ka veshur uniformën e policisë së Kosovës, ai vullnetarisht dhuron gjak, për të shpëtuar jetën e atyre që kanë nevojë, thekson ai, dhe shton se një gjë të tillë do ta bëj aq sa ia lejon gjendja e tij shëndetësore.
Zyrtari për informim i policisë rajonale në Prizren, Vesel Gashi, thotë të jetë dhe ai dhurues i rregulltë i gjakut, dhe se të gjithë ne tha ai, duhet të të dëshmojmë humanizmin tonë për njerëzit të cilët kanë nevojë për gjak.
Ai shtoi se, policia nuk merret vetëm me shqiptimin e gjobave në trafik, por ajo edhe ndihmon qytetarët duke dhuruar vullnetarisht gjak, edhe atë rregullisht sa herë kërkohet nevoja. Menaxherja për marketing e Qendrës Kombëtare të Transfuzionit të Gjakut të Kosovë, Melania Gjocaj, tha se ftesës së tyre për dhurimin vullnetar të gjakut, i janë përgjigjur një numër i madh i pjesëtarëve të Drejtorisë Rajonale të Policisë në Prizren.
Një aksion i ngjashëm nga Qendra Kombëtare e Transfuzionit të Gjakut të Kosovë, do të vijoj edhe në muajin Korrik apo Shtator nëpër stacionet e ndryshme policore të vendit…/tvprizreni.info/