Policia në Prizren nuk ka arrit t’i kapë dy të dyshuar për tentim vjedhje në fshatin Grazhdanik.
Zëdhënësi i Policisë në Prizren, Hazir Berisha tregon se të dyshuarit për tentim vjedhje kanë shtënë edhe me armë zjarri.
“Policia e Prizrenit rreth orës 23:35 minuta, ka pranuar një informatë, e cila bënte me dije se dy të dyshuar po tentonin të vidhnin në një shtëpi në fshatin Grazhdanik”.
“ Njësiti patrullues, i cili në ato momente ndodhej më afër vendit të ngjarjes i është përgjigjur rastit dhe posa ka arritur është vërejtur nga të dyshuarit të cilët kanë marrë arratinë duke u mbuluar nga terri i natës dhe mjegulla”,tregon Berisha.
“Gjatë ikjes njëri ka shtënë më armë zjarri, por nuk dihet nëse ka shtënë në drejtim të policëve apo kuturu”.
“Është informuar prokurori i shtetit për ngjarjen, ndërsa policia ka shtuar aktivitetin për zbulimin e rastit dhe kapjen e të dyshuarëve”/PrizrenPress.com/