Derisa ish ministri i Punëve të jashtme, Enver Hoxhaj, krenohet me faktin se Kosova u anëtarësua në shumë organizata rajonale, evropiane e ndërkombëtare, deputetja e LDK-së, Vjosa Osmani, thotë se politika e jashtme e Kosovës ka qenë e çakorduar dhe e dështuar në vitin 2014.
Sipas saj, në këtë politikë të jashtme, ka ndikuar edhe ndarja e përgjegjësive, duke qenë se janë marr një numër i madh personash me politikën e jashtme. Madje, Osmani thotë se MPJ-ja nuk ka arritur as ta plotësojë synimin që e kanë pasur, anëtarësimin në organizata ndërkombëtare, shkruan koha.net
“E dini që në kohën kur Qeveria e kaluar e patë pranuar fusnotën pati premtuar se kjo fusnotë do t’ia mundësojë Kosovës anëtarësimin në mbi 100 organizata rajonale, por numri i anëtarësimeve është shumë i vogël”, tha ajo.
Por, Hoxhaj thotë se ata kanë vendosur që prioritet i politikës së jashtme të Kosovës të jetë anëtarësimi i Kosovës në organizata të ndryshme ndërkombëtare, që e kanë quajtur diplomaci multilaterale. Sipas tij, në një periudhë prej katër viteve Kosova është anëtarësuar në 35 organizata.