Policia e Kosovës ka arrestuar katër persona të dyshuar për posedim të substancave narkotike, raporton PrizrenPress
Arrestimet kanë ndodhur në Prizren, gjatë ditës së shtunë.
Njoftimi i plotë i PK-së:
POSEDIM I NARKOTIKËVE
· Rr. Ismail Kryeziu, Prizren 01.05.2021 – 15:30. Është arrestuar i dyshuari mashkull kosovar, pasi që gjatë kontrollit tek i njëjti është gjetur dhe konfiskuar 0.42 gram substance e dyshuar narkotike, e llojit marihuanë. Me vendim të prokurorit, i dyshuari lirohet në procedurë të rregullt.
· Rr. Ismail Kryeziu, Prizren 01.05.2021 – 15:30. Janë arrestuar dy të dyshuar meshkuj kosovar, pasi që gjatë kontrollit tek të njëjtit janë gjetur dhe konfiskuar 3.1 gram substance e dyshuar narkotike, e llojit marihuanë. Me vendim të prokurorit, të dyshuarit lirohen në procedurë të rregullt.
· Rr. Vesli Klark, Prizren 01.05.2021 – 18:00. Është arrestuar i dyshuari mashkull kosovar, pasi që gjatë kontrollit tek i njëjti është gjetur dhe konfiskuar 0.26 gram substance e dyshuar narkotike, e llojit marihuanë. Me vendim të prokurorit, i dyshuari lirohet në procedurë të rregullt. /PrizrenPress.com/