18.4 C
Prizren
E premte, 14 Mars, 2025

Prizrenasja bëhet kryetare e Kuvendit të Luzernit, Osmani: Mezi pres ta takoj

Kryetarja e Kuvendit, Vjosa Osmani, ka uruar Ylfete Fanajn, shqiptaren që u bë kryetare e Kuvendit të Luzernit në Zvicër.

Ajo tha se të rinjtë e Kosovës po e dëshmojnë se janë të barabartë me ata europianë, njofton Klan Kosova. Osmani tha se mezi pret që ta takojë.

“Sot, shqiptarja nga Kosova, Ylfete Fanaj, mori zyrtarisht detyrën e kryetares së Kuvendit të Kantonit të Luzernit, në Zvicër. Kjo dëshmon se qytetarët tanë, të cilët jetojnë në vendet perëndimore, tashmë jo vetëm janë integruar plotësisht, por po ndikojnë në krijimin e një identiteti të ri të mërgatës sonë”.

“Me pjesëmarrjen e tyre në jetën politike e institucionale atje, Ylfetja dhe shumë të rinj të tjerë, përveç se po i shpalosin vlerat e tyre, po e prezantojnë gjithnjë e më fuqishëm edhe fytyrën e re e shpirtin kreativ të mërgatës sonë. Ata po dëshmojnë se janë të barabartë me të rinjtë europianë jo vetëm në kulturë e në arte, në sport e në shkencë, por edhe në jetën politike e institucionale”.

“Si kryetare e Kuvendit i uroj Ylfetes shumë suksese dhe mezi po pres ta takoj si kryetare e Kuvendit të Kantonit të Luzernit”.

Më Shumë

Hashim Thaçi arrin në Kosovë për ta vizituar babanë e sëmurë

Pas tri kërkesave të refuzuara, Gjykata Speciale ia ka aprovuar kërkesën Hashim Thaçit për të ardhur në Kosovë. Kjo pasi babai i tij është në...

A po i mungon Egli? Ja çfarë thotë Gjesi

Largimi i Egli Takos nga ‘Big Brother VIP Albania’ bëri bujë të madhe në rrjet. Gjesti para fillimit të spektaklit është parë vetëm në oborrin...

Lajmet e Fundit