Administrata Federale e Aviacionit të Shteteve të Bashkuara të Amerikës (FAA) ka zbuluar se gjatë hetimeve për aksidentin fatal që vrau Kobe Bryant dhe tetë persona të tjerë, se pronari i helikopterit, ‘Sikorsky S-76B’, nuk ishte i licensuar të fluturonte në mot të keq dhe se kjo nuk duhej të lejohej fare.
Megjithëse piloti Ara Zobajan ishte i licensuar për fluturimin e helikopterëve tjerë, nuk e kishte licensën për helikopterin e sipërpërmendur, shkruan Zëri.info.
Helikopteri i rrëzuar në Kaliforni ishte lejuar të fluturonte vetëm me parimin e fluturimit vizual (VFR), me kusht që shikimi të jetë pesë kilometra larg dhe ret të jenë jo më pak se 300 metra mbi tokë.
Por, shikueshmëria e së dielës ishte aq e keqe, mjegulla ishte e madhe dhe lagështia ishte 100 përqind, kështu që policia e Los Anxhelosit kishte urdhëruar që të gjithë helikopterët të uleshin.
Pilotit Zobajan i ishte dhënë leja speciale e fluturimit nga kontrolli i fluturimit, edhe pse kushtet në atë kohë ishin të pafavorshme.
Los Anxhelos po planifikon një memorial për ish-basketbollistin e ndjerë, por koha dhe vendi nuk dihen ende.
Raportet se stadiumi ‘Memorial Coliseum’ me 80 mijë ulëse mund të jetë vendi ideal./Zëri.info