Në përfundim të takimit të IV të Dialogut të Nivelit të Lartë Shqipëri-BE, publikohen edhe konkluzionet e raportit. “A1 Report” ka siguruar raportin në të cilin theksohen hapat që duhet të ndjekë Shqipëria në rrugën e saj të integrimit europian, si dhe 5 prioritetet kyçe.
Duke theksuar rëndësinë e avancimit të rrugës drejt BE-së, në raport thuhet se Shqipëria duhet të vazhdojë me plotësimin e rekomandimeve, ndërsa theksi vendoset në dialogun politik qeveri-opozitë në Kuvend, në mënyrë që të realizohen reformat.
Dialogu politik shihet me rëndësi në këtë drejtim, pasi Këshilli Kombëtar i Integrimit dështoi për shkak të mospjesëmarrjes së opozitës.
Ndërkaq, 5 prioritetet kyçe janë administrata publike, reforma në gjyqësor, lufta ndaj krimit të organizuar, lufta ndaj korrupsionit, të drejtat e njeriut.