Tashmë janë bërë po thuajse një muaj që nga koha kur u nda nga jeta humoristi i njohur Rasim Thaçi – Cima.
Vdekja e tij nga virusi COVID-19 la të trishtuar mbarë opinionin dhe në veçanti njerëzit e afërt dhe bashkëpunëtorët e tij ndër vite.
Një nga kolegët më të afërt të aktorit tashmë të ndjerë ka qenë edhe humoristi i njohur nga Gjakova, Sevdai Radogoshi – Qumili.
Foto: Sevdai Rodogoshi/Instagram
Ky i fundit ka shkuar për vizitë te varri i mikut të tij të ndjerë, teksa ka ndarë me ndjekësit në rrjetet sociale një fotografi nga prania e tij te vendi ku prehen eshtrat e aktorit të humorit.
“E pa besushme, e pa perballushme! O Zot i madh mëshiro”, ka shkruar Radogoshi nmë mbishkrimin e këtij postimi.
I njëjti ka ndarë me ndjekësit edhe disa fotografi të tjera nga skeçet humoristike të realizuara mes dyshes, dhe mikut të tretë të tyre, Ibrahim Krajkovës, i njohur si Leci. /Telegrafi/