Qytetarët e Prizrenit me të drejtë vote, sot duke filluar nga 07:00 do të mund të votojnë për të zgjedhur udhëheqësit komunalë, kryetarin dhe asamblenë komunale,
Përfaqësues të Komisionit Qendror Zgjedhor, ata të Prokurorisë si dhe Policisë janë deklaruar të gatshëm për mbarëvajtjen e zgjedhjeve të sotme lokale në vend.
Zgjedhjet e 22 tetorit do të monitorohen nga vëzhgues, të cilët përfaqësojnë subjektet politike të certifikuara, OJQ-të vendore, organizatat ndërkombëtare, ambasada, media vendore dhe ndërkombëtare.
Autoritetet e rendit në Kosovë thonë se i kanë bërë përgatitjet e duhura për organizimin e zgjedhjeve lokale në mënyrë që siguria në vend të jetë në nivel të lartë.