Kryetari i Prizrenit Ramadan Muja, nuk ka marrë vendim ndaj drejtorit të Arsimit, Nexhat Çoçaj.
Zëdhënësi i Komunës Ymer Berisha tha se ende nuk janë të informuar zyrtarisht për dënimin e Çoçajt, nga Gjykata Themelore në Prizren.
“Për dënimin jemi informuar nga mediat. Zyrtarisht ende nuk kemi marrë asnjë vendim nga gjykata”, tha Berisha,transmeton TVPZ.
Drejtori i Arsimit, Nexhat Çoçaj sot nuk ka marrë pjesë në mbledhjen e drejtorëve të Ekzekutivit.
Ai dhe dy të akuzuarit tjerë, dje janë shpallur fajtor nga Gjykata Themelore në Prizren në akuzat për keqpërdorim.
Çoçaj është dënuar me tre vjet burg efektiv, i akuzuari tjetër Bekim Thaçi me 14 muaj ndërsa i akuzuari i tretë me gjashtë muaj burg.
Çoçaj që akuzohet se keqpërdori paratë e dedikuara për manifestimin tradicional kushtuar dëshmorit të UÇK-së Rmezi Ademaj, nga viti 2008 deri në vitin 2012./PrizrenPress.com/