Sekretari i Përgjithshëm i AAK-së, njëherësh edhe deputet i kësaj partie, Burim Ramadani, duke i komentuar aderimet e fundit të pjesëtarëve të shoqërisë civile, në partinë e kryeministrit Hashim Thaçi, ka thënë se ata janë inspiruar nga dëshira për tu pasuruar shpejt.
“Për vite me radhë korrupsioni dhe krimi u rrit. Tenderomania po vazhdon ta shkatërrojë Kosovën, nepotizmi dhe militantizmi partiak e shkatërruan administratën e shtetit. Populli u varfërua e pushtetarët u pasuruan. U bën milionerë”, ka shkruar Ramadani në një postim të tij në Facebook.
“Duket se pikërisht pasurimi i shpejtë ka insipiruar disa të shoqërisë civile që të bashkohen në Klubin e Thaçit. Përndryshe, logjika e shëndoshë do të nënkuptonte që të gjithë të bashkohemi për ta rrëzuar Thaçin nga pushteti, të cilin e abuzon skajshëm”, ka shkruar Ramadani.