Lideri i Aleancës për Ardhmërinë e Kosovës Ramush Haradinaj në profilin e tij në Facebook ka kërkuar nga Qeveria e Kosovës të mos bëjë gabimin e emërimit të më shumë se një zëvendësministri në Qeveri.
“Është shumë shqetësuese dhe e papranueshme që pas numrit rekord te Ministrive, Qeveria e Republikës së Kosovës të ketë më shumë se një Zëvendësministër për Ministri. Rritja e pakuptimtë e shpenzimeve qeveritare po kalon në abuzim arrogant me pushtetin, vetëm për interesa të ngushta klienteliste”, ka shkruar Haradinaj në profilin e tij në FB.
Deklarata e plotë:
Të nderuar qytetarë të vendit,
Me një gjendje socio-ekonomike siç po gjendet Kosova, Qeveria nuk guxon të ketë më shumë se një Zëvendesministër.
Është shumë shqetësuese dhe e papranueshme që pas numrit rekord te Ministrive, Qeveria e Republikës së Kosovës të ketë më shumë se një Zëvendësministër për Ministri.
Rritja e pakuptimtë e shpenzimeve qeveritare po kalon në abuzim arrogant me pushtetin, vetëm për interesa të ngushta klienteliste.
Zvogëlimi i kabinetit qeveritar është domosdoshmëri. Qasja e tanishme po tregon se Kosova po forcohet në Parti-Shtet!
Ju bëjmë thirrje – ndaluni nga këto veprime!
RH