Kryetari i AAK-së, Ramush Haradinaj ka thyer “rekordin” e vizitave të ish-liderit të PDK-së Hashim Thaçi.
Ai është bërë vizitor më i shpeshtë i Prizrenit.
Haradnija çdo javë rregullisht e viziton Prizrenin, dikur “Jerusalemin” e PDK-së së Thacit.
Ai edhe gjatë ditës së djeshme ishte për vizitë në këtë qytet. Sipas tij, vizitat po i bënë për të njoftuar me problemet e qytetarëve.
“ Sot, pata kënaqësinë të mirëpres anëtarësimin në AAK të të rinjve”, ka thënë Haradinaj për media,shkruan PrizrenPress.
Ish-lideri i PDK-së Hashim Thaçi,ka qen njëri prej liderëve politik, që ka vizituar më së shpeshti Prizrenin.
Ai, gjatë fushatave zgjedhore thuaja tërë ditën qëndronte në këtë qytet, pasi që e vlerëson si “Jerusalem” të PDK-së.
Ndërkaq, pas zgjedhjes së Hashim Thaçit, President i Kosovës, vizitat në këtë qytet i ka shpeshtuar Ramush Haradinaj.
Kryetari i AAK-së në Prizren, Lulëzim Kabashi ka thënë ndërkaq, për media se në kuadër të agjendës javore Haradinaj ka vizituar familjet e dëshmorëve dhe disa biznese.
Partia e Ramush Haradinajt në Prizren, është pjesë e Qeverisë së Ramadan Mujës, e cila pësoi ndryshime për shkak performacës së dobët dhe keqpërdorimeve të shumta. /PrizrenPress.com/