Deputeti i Lëvizjes Vetëvendosje Arbër Rexhaj, ka thënë se qeverisja e Vetëvendosjes është qeveria më pro Ushtrisë Çlirimtare të Kosovës.
Ai këtë deklaratë e bëri në emisionin “Politiko” në Kanal 10.
“Ministres Gërvalla ashtë duke iu bërë një lloj gjyqi politik. Mendoj që ajo ka qenë shumë e qartë. Unë jam kundër një gjyqi që po i bëhet zonjës Gërvalla. E shoh si qëllimkeqe që e kanë vetëm një qëllim dëmtimin e imazhit të qeverisë Kurti për ta thënë se Vetëvendosje është anti-UÇK.”
“Ne kemi votuar kundër Gjykatës Speciale dhe atëherë e kemi potencuar se kjo gjykatë do ta demoniziojë imazhin tonë. Që qeveria e VV është më pro UÇK sesa krejt Qeveritë e tjera”, tha ai.
Rexhaj ka thënë se opozita e ka bërë si objekt qitjeje ministren Donika Gërvalla për ta dëmtuar qeverinë Kurti.
“Po e vërej një makineri të plotë opozitare, jo vetëm brenda Kuvendit e cila në kontekst të zgjedhjeve lokale po mundohet ta sulmojnë qeverisjen e Lëvizjes Vetëvendosje. Ministrja e Jashtme tashmë është bërë objekt qitjeje. E patë edhe deklarimin e saj që tha se është artikulim i vet gazetarit.”
Në të vërtetë unë nuk kam çka të deklarojë më shumë. Unë po them se komplet spektri politik po mundohet ta gjejë një objekt qitjeje. Përmes ministres së jashtme po mundohen ta sulmojnë qeverisjen e LVV-së”, tha deputeti Rexhaj.