Ronaldo iu ka treguar shokëve se dëshiron të largohet nga Juventusi

CR7 dëshiron të ndërrojë ambient. Sporting Lisbona duket si një destinacion i mundshëm për portugezin.

Cristiano Ronaldo, sipas Marca, iu ka treguar shokëve të Juventusit se dëshiron të largohet gjatë merkatos së verës, transmeton Gazeta Express.

CR7 ka kontratë edhe 12 muaj me “Zonjën e Vjetër”, por sipas mediave në Itali, Spanjë dhe Portugali, dëshiron të rikthehet te ish-klubi ku nisi gjithçka, Sporting Lisbona.

Ronaldo e mbylli sezonin e tretë me Juven me 36 gola në 44 paraqitje.

 

Në total, gjatë tri sezoneve në Itali, ai ka bërë 133 paraqitje, ka shënuar 101 gola. /Gazeta Express