Rusia i ka dorëzuar Sirisë 49 njësi të teknikës në kuadër të dërgimit të sistemit S-300 me qëllim të rritjes së fuqisë ushtarake të regjimit të Assadit, ka deklaruar ministri i mbrojtjes së Rusisë Sergei Shogun në takimin me presidentin rus Vladimir Putin dhe anëtarët e Këshillit të Sigurisë së Rusisë.
“Në përputhje me vendimin e presidentit kemi filluar zbatimin e një sërë masave të drejtuara në fuqizimin e sistemit të mbrojtjes kundërajrore të Sirisë, i cili, në mes tjerash ka edhe për qëllim mbrojtjen e ushtarëve tanë në Siri. Kemi përfunduar dërgimin e sistemit S-300. Kjo përfshinë 49 njësi të teknikës: lokatorët për ndriçim, natyrisht sistemet themelore të detektimit, makinat kontrolluese dhe katër laserë”, ka thënë Shogun në takimin operativ.
Ai ka theksuar se dërgimi ka përfunduar të hënën, ndërsa në Siri është dërguar i gjithë sistemi.
Agjencia TASS ka transmetuar se gjatë vizitës së ardhshme të presidentit Vladimir Putin në Indi, do t nënshkruhet kontrata me vlerë prej 5 miliardë dollarëve për furnizimin e sistemit raketor rus S-400 për këtë vend.